يوم اليتيم

السلام عليكم ورحمة الله وبركاته

طبعاً أنا عارف أن ناس كتيييير هتنزل الجمعة اللى جاية إن شاء الله التحرير

بس كمان فى ناس مش ناوية تنزل

الكلام ده للى مش ناوى ينزل

اللى نازل التحرير رايح علشان يساعد فى حماية الثورة ربنا معاه وبالتوفيق إن شاء الله

اللى مش نازل عندى ليه خروجة يوم الجمعة يساعد بيها ويتبرع بوقته فى عمل مفيد إن شاء الله

طبعاً كلنا عارفين إن الجمعة الأولى من شهر أبريل هى يوم اليتيم فى مصر

جمعية "شباب فرسان" وهى جمعية خيرية مشهرة متعودة تنظم اليوم ده مهرجان كبير للأطفال فى حديقة الفسطاط بالتعاون مع " دار الأورمان"

اليوم عادة بيحضره أطفال أيتام من القاهرة والأقاليم ودور المتطوعين من جمعية شباب فرسان هو تنظيم دخول وخروج الأطفال من وإلى الحديقة ومن وإلى منطقة الألعاب حسب جداول معدة مسبقاً بيكون فيها أسم الدور والوقت اللى يقدروا يستخدموا فيه منطقة الألعاب وكمان مراقبة الأطفال والحفاظ على سلامتهم।

كمان توزيع وجبات الإفطار والغداء على الأطفال والعصاير والحلويات ولو فيه برنامج ترفيهى يبقى المشاركة فى تنفيذ البرنامج حسب توزيع المتطوع من قبل المشرف فى بداية اليوم।

اليوم بيبقى كبير وبيحتاج مجهود وشغل كتيييير وعادة الجمعية بتحتاج مائة متطوع كل سنة لتنظيم اليوم أكيد ممكن زيادة لكن أقل صعب

بيتم تغطية جزء من احتياج المتطوعين من متطوعين الجمعية الدائمين والباقى بيحضر عن طريق الايميلات اللى الاعضاء بيمرروها وكده يعنى।

يعنى باختصار لو حضرتك مش هتحضر ممكن تمرر التدوينة دى أو تعملها كوبى فى ميل وتمررها لاصحابك।

حاجه مهمة أوى أحب اقولها أنا عرفت شباب فرسان فى يوم اليتيم من حوالى ست سنين ومعظم متطوعين الجمعية الدائمين عرفوا الجمعية ونشاطاتها فى يوم اليتيم ومن ساعتها بقوا أعضاء دائمين فى الجمعية لأن روح التعاون فى الجمعية بصراحة مش طبيعى ومشفتهاش فى مكان تانى وهاسيبلكم الحكم لما تحضروا إن شاء الله

وده نص الايفنت بتاع الجمعية

يوم اليتيم هيبقى الجمعة الجاية1-4-2011ياترى هتروح فين وهتقضي اليوم دا ازاي...ايه رأيك تيجي معاناهنروح الحديقة الدولية ومعانا 450 طفل من الأيتام والاسر الفقيرة الولاد دول بيستنوا اليوم دا وأي يوم يخرجوا ويتفسحوا و يلعبوا فيه طيب هنعمل معاهم ايه مجهزين برنامج فيه ألعاب كتييير وكمان فقرات مفتوحة هدفنا من اليوم اننا ندخل السرور على الاطفال دول وكمان نتكلم معاهم ونسمعهم ونعرف هما بيفكروا ازاي ونحاول نتواصل معاهم مش عايزين بس نلعب معاهم ॥لا كمان عايزين نغير فيهم حاجة بقدر المستطاع اليوم دا تعاون بين جمعية شباب فرسان و مؤسسة المهرة الخيرية محتاجين مشاركتكم معانا يا شبابمحتاجين 100 متطوعفي انتظار مشاركتكم اللي هييجي يأكد على رقم 0166628224بموعد أقصاه غدا الخميس 31-3-2011

وده عنوان وتليفونات الجمعية

مقر الجمعية 218 ش محمد مختار –حدائق القبة - تليفون 24539347/02 ((مواعيد العمل من الحادية عشرة صباحاً للخامسة مساءً ماعدا الجمعة والسبت )) للتبرع البنكي لحالات و أنشطة الجمعية : بنك مصر فرع سراى القبة ورقم الحساب 25349/1/183 * برجاء إبلاغنا إذا تبرعتم في البنك لحالة محددة سواء تليفونيا ً أو على الإيميل التالي shababforsan_ follow@yahoo. com

ودى وسائل مختلفة للاتصال بالجمعية

http://www.shababforsan.org/ http://groups.yahoo.com/group/ForsanElKheir/ http://www.facebook.com/group.php?gid=27254300781

وأخيراً لا تنسى إن الدال على الخير كفاعلة

وكمان

- عن ابن عباس أن رسول الله صلى الله عليه وسلم قال : إن أحب الأعمال إلى الله تعالى بعد الفرائض إدخال السرور على المسلم

وأخيراً بجد المره دى :)

لو مش هتروح يا ريت تنشر البوست وجزاك الله خيراً